mil-mila ke donon ne dil ko kar diya barbaad
husn ne kiya be-KHud ishq ne kiya aazad

Sahir dehlavi

---

---

main diwana hun aur dair-o-haram se mujh ko wahshat hai
paDi rahne do mere panw mein zanjir-e-mai-KHana

Sahir dehlavi

---

---

kya shauq ka aalam tha ki hathon se uDa KHat
dil tham ke us shoKH ko likhne jo laga KHat

Sahir dehlavi

---

---

aate hue is tan mein na jate hue tan se
hai jaan-e-makin ko na lagawaT na rukawaT

Sahir dehlavi

---

---

kaunain-e-ain-e-ilm mein hai jalwa-gah-e-husn
jeb-e-KHirad se ainak-e-irfan nikaliye

Sahir dehlavi

---

---

jo la-mazhab ho us ko millat-o-mashrab se kya matlab
mera mashrab hai rindi rind ko mazhab se kya matla

Sahir dehlavi

---

---

hum gada-e-dar-e-mai-KHana hain ai pir-e-mughan
kaam apna tere sadqe mein chala lete hain

Sahir dehlavi

---

---

hai sanam-KHana mera paiman-e-ishq
zauq-e-mai-KHana mujhe saman-e-ishq

Sahir dehlavi

---

---

gham-e-maujud ghalat aur gham-e-farda baatil
rahat ek KHwab hai jis ki koi tabir nahin

Sahir dehlavi

---

---