sab kuchh paDhaya hum ko murdarris ne ishq ke
milta hai jis se yar na aisi paDhai baat

Raza Azimabadi

---

---

KHwah kafir mujhe kah KHwah musalman ai shaiKH
but ke hathon mein bika ya hun KHuda ki saugand

Raza Azimabadi

---

---

kis tarah 'raza' tu na ho dhawane zamana
jab dil sa teri baiTha ho badnam baghal mein

Raza Azimabadi

---

---

kya kahen apni siyah-baKHti hi ka andher hai
warna sab ki hijr ki raat aisi kali bhi nahin

Raza Azimabadi

---

---

na kaba hai yahan mere na hai but-KHana pahlu mein
liya kis ghar base ne aah aa kar KHana pahlu mein

Raza Azimabadi

---

---

nau-mashq-e-ishq hain hum aahen karen ajab kya
gili jalegi lakDi kyunkar dhuan na hoga

Raza Azimabadi

---

---

afu phir kijiyo pairahan-e-yusuf ko ai KHayyat
siya jae to si pahle tu chaak-e-dil zuleKHa ka

Raza Azimabadi

---

---

sunte to the 'raza' hain sab hain baDe musalman
par kufr mein ziyaada nikle wo barahman se

Raza Azimabadi

---

---

zaKHm ke lagte hi kya khul gae chhati ke kiwaD
aage ye KHana-e-dilchasp hawa dar na tha

Raza Azimabadi

---

---