nahin hai jis mein tera ishq wo dil hai tabahi mein
wo kashti Dub jaegi na jis mein na-KHuda hoga

Rasheed lakhnavi

---

---

mashuq kaun sa hai na ho dil mein jis ki yaad
is muKHtasar se bagh mein kis gul ki bu nahin

Rasheed lakhnavi

---

---

KHuda jaane ye gardish ka tariqa kab nikala hai
jise kahte hain gardun ek mere panw ka chhaala hai

Rasheed lakhnavi

---

---

ai gul-andam ye hai fasl-e-jawani ka uruj
husn ka rang Tapakne ko hai ruKHsaron se

Rasheed lakhnavi

---

---

intizar aap ka aisa hai ki dam kahta hai
nigah-e-shauq hun aankhon se nikal jaunga

Rasheed lakhnavi

---

---

hua hai saKHt mushkil dafan hona tere wahshi ka
jahan par qabr khodi jati hai patthar nikalte hain

Rasheed lakhnavi

---

---

hamesha be-dili ki kijiye kyunkar na dildari
na hona pas dil ka hai nishani ek dilbar ki

Rasheed lakhnavi

---

---

hamari zindagi-o-maut ki ho tum raunaq
charagh-e-bazm bhi ho aur charagh-e-fan bhi ho

Rasheed lakhnavi

---

---

hans hans ke kah raha hai jalana sawab hai
zalim ye mera dil hai charagh-e-haram nahin

Rasheed lakhnavi

---

---