sabhon ki aa gai piri jo tum jawan hue
zamin ka dil hua miTTi KHam aasman hue
Rasheed lakhnavi
KHuda jaane ye gardish ka tariqa kab nikala hai
jise kahte hain gardun ek mere panw ka chhaala hai
Rasheed lakhnavi
mashuq kaun sa hai na ho dil mein jis ki yaad
is muKHtasar se bagh mein kis gul ki bu nahin
Rasheed lakhnavi
nahin hai jis mein tera ishq wo dil hai tabahi mein
wo kashti Dub jaegi na jis mein na-KHuda hoga
Rasheed lakhnavi
qaid ki muddat baDhi chhuTne ki jab tadbir ki
rose badli jati hain kaDiyan meri zanjir ki
Rasheed lakhnavi
as aae tum ko mulk-e-ishq ki aab-o-hawa
aashiqo har-waqt shaghl-e-ah-o-zari chahiye
Rasheed lakhnavi
tum ne ehsan kiya hai ki namak chhiDka hai
ab mujhe zaKHm-e-jigar aur maza dete hain
Rasheed lakhnavi
zindagi kahte hain kis ko maut kis ka nam hai
mehrbani aap ki na-meharbani aap ki
what is labeled living, how is death defined
Finding your favour, when you are unkind
Rasheed lakhnavi
wo gesu baDhte jate hain balaen hoti hain nazil
qadam tak aa gae jab hashr aalam mein bapa hoga
Rasheed lakhnavi