آئے گا میرے بعد فروغؔ ان کا زمانہ
جس دور کا میں ہوں مرے اشعار نہیں ہیں

رئیس فروغ

---

---

اپنے حالات سے میں صلح تو کر لوں لیکن
مجھ میں روپوش جو اک شخص ہے مر جائے گا

رئیس فروغ

---

---

فصل تمہاری اچھی ہوگی جاؤ ہمارے کہنے سے
اپنے گاؤں کی ہر گوری کو نئی چنریا لا دینا

رئیس فروغ

---

---

حسن کو حسن بنانے میں مرا ہاتھ بھی ہے
آپ مجھ کو نظر انداز نہیں کر سکتے

رئیس فروغ

---

---

اک یہی دنیا بدلتی ہے فروغؔ
کیسی کیسی اجنبی دنیاؤں میں

رئیس فروغ

---

---

عشق وہ کار مسلسل ہے کہ ہم اپنے لیے
ایک لمحہ بھی پس انداز نہیں کر سکتے

رئیس فروغ

---

---

لوگ اچھے ہیں بہت دل میں اتر جاتے ہیں
اک برائی ہے تو بس یہ ہے کہ مر جاتے ہیں

رئیس فروغ

---

---

میں نے کتنے رستے بدلے لیکن ہر رستے میں فروغؔ
ایک اندھیرا ساتھ رہا ہے روشنیوں کے ہجوم لیے

رئیس فروغ

---

---

میرا بھی ایک باپ تھا اچھا سا ایک باپ
وہ جس جگہ پہنچ کے مرا تھا وہیں ہوں میں

رئیس فروغ

---

---