kiya hai chashm-e-murawwat ne aaj mail-e-mehr
main un ki bazm se kal aabdida aaya tha

Pandit Jawahar Nath Saqi

---

---

apne junun-kade se nikalta hi ab nahin
saqi jo mai-farosh sar-e-rahguzar tha

Pandit Jawahar Nath Saqi

---

---

jam gae rah mein hum naqsh-e-qadam ki surat
naqsh-e-pa rah dikhate hain ki wo aate hain

Pandit Jawahar Nath Saqi

---

---

jaan-o-dil tha nazr teri kar chuka
tere aashiq ki yahi auqat hai

Pandit Jawahar Nath Saqi

---

---

hua na qurb-e-talluq ka iKHtisas yahan
ye ru-shanas zi-ra-e-baida aaya tha

Pandit Jawahar Nath Saqi

---

---

hum ko bharam ne bahr-e-tawahhum bana diya
dariya samajh ke kud paDe hum sarab mein

Pandit Jawahar Nath Saqi

---

---

falak pe chand sitare nikalne hain har shab
sitam yahi hai nikalta nahin hamara chand

Pandit Jawahar Nath Saqi

---

---

dil bhi ab pahlu-tahi karne laga
ho gaya tum sa tumhaari yaad mein

Pandit Jawahar Nath Saqi

---

---

chhu le saba jo aa ke mere gul-badan ke panw
qaem na hon chaman mein nasim-e-chaman ke panw

Pandit Jawahar Nath Saqi

---

---