milna paDta hai hamein KHud se bhi ghairon ki tarah
us ne mahaul hi kuchh aisa bana rakkha hai

Nusrat Gwaliari

---

---

main ajnabi hun magar tum kabhi jo sochoge
koi qarib ka rishta zarur niklega

Nusrat Gwaliari

---

---

achcha majburiyon ko kya jaane
ek khilauna KHaridna tha mujhe

Nusrat Gwaliari

---

---

kuchh ehtiyat parinde bhi rakhna bhul gae
kuchh intiqam bhi aandhi ne badtarin liye

Nusrat Gwaliari

---

---

kitne zehnon ko kar gaya gumrah
ek baDe aadmi ka chhoTa-pan

Nusrat Gwaliari

---

---

ek qism aur zinda rahne ki
war tikha sahi muqaddar ka

Nusrat Gwaliari

---

---

husn utna ek paikar main simaT sakta nahin
tu bhi mere hi kisi ehsas ki taswir hai

Nusrat Gwaliari

---

---

har shaKHs apni apni jagah yun hai mutmain
jaise ki jaanta ho qaza ka hai ruKH kidha

Nusrat Gwaliari

---

---

hum teri talKH guftugu sun kar
chup hain lekin sabab samajhte hain

Nusrat Gwaliari

---

---