shafaq si phir koi utri hai mujh mein
ye kaisi raushni phaili hai mujh mein

Nusrat Gwaliari

---

---

main ajnabi hun magar tum kabhi jo sochoge
koi qarib ka rishta zarur niklega

Nusrat Gwaliari

---

---

milna paDta hai hamein KHud se bhi ghairon ki tarah
us ne mahaul hi kuchh aisa bana rakkha hai

Nusrat Gwaliari

---

---

mere charagh ki nannhi si lau se KHaif hai
ajib waqt paDa hai siyah aandhi pa

Nusrat Gwaliari

---

---

qanun jaise kho chuka sadiyon ka e'timad
ab kaun dekhta hai KHata ka hai ruKH kidha

Nusrat Gwaliari

---

---

aat ke lamhat KHuni dastan likhte rahe
subh ke aKHbar mein haalat behtar ho gae

Nusrat Gwaliari

---

---

wo andhi rah mein binaiyan bichhata raha
badan pe zaKHm liye aur labon pe din liye

Nusrat Gwaliari

---

---

wo pata apni shaKH se zara juda hua hi tha
na jaane phir kahan kahan hawa uDa ke le gai

Nusrat Gwaliari

---

---

wo gulabi baadalon mein ek nili jhil si
hosh qaem kaise rahte tha hi kuchh aisa libas

Nusrat Gwaliari

---

---