qadam mai-KHana mein rakhna bhi kar-e-puKHta-karan hai
jo paimana uThate hain wo tharraya nahin karte

Nushur Wahidi

---

---

'nushur' aaluda-e-isyan sahi par kaun baqi hai
ye baaten raaz ki hain qibla-e-alam bhi pite hain

Nushur Wahidi

---

---

meri aankhon mein hain aansu tere daman mein bahaar
gul bana sakta hai tu shabnam bana sakta hun main

Nushur Wahidi

---

---

main tinkon ka daman pakaDta nahin hun
mohabbat mein Duba to kaisa sahaara

Nushur Wahidi

---

---

main abhi se kis tarah un ko bewafa kahun
manzilon ki baat hai raste mein kya kahun

Nushur Wahidi

---

---

maaz-allah mai-KHane ke aurad-e-sahar-gahi
azan mein kah gaya main ek din ya pir-e-mai-KHana

Nushur Wahidi

---

---

kis bebasi ke sath basar kar raha hai umr
insan musht-e-KHak ka ehsas liye hue

Nushur Wahidi

---

---

aghyar ko gul-pairahani hum ne ata ki
apne liye phulon ka kafan hum ne banaya

Nushur Wahidi

---

---

ek nazar ka fasana hai duniya
sau kahani hai ek kahani se

Nushur Wahidi

---

---