kali ki KHu hai bahar-haal muskurane ki
wagarna ras kise hai hua zamane ki

Nisar Itavi

---

---

aa dost sath aa dar-e-mazi se mang laen
wo apni zindagi ki jawan bhi hasin bhi thi

Nisar Itavi

---

---

dil mein kya kya guman guzarte hain
muskurao na baat se pahle

Nisar Itavi

---

---

chhupe to kaise chhupe chaman mein mera tera rabt-e-walihana
kali kali husn ki kahani nazar nazar ishq ka fasana

Nisar Itavi

---

---

asar kare jo mujahidana hayat use daimi milegi
na bhik mein zindagi mili hai na bhik mein zindagi milegi

Nisar Itavi

---

---

arson se tera zikr tera nam nahin hai
lekin ye haqiqat hai ki aaram nahin hai

Nisar Itavi

---

---

ahaar ho ki mauj-e-mai ki taba ki rawaniyan
jidhar se wo guzar gae ubal paDin jawaniyan

Nisar Itavi

---

---

ai aql sath rah ki paDega tujhi se kaam
rah-e-talab ki manzil-e-aKHir junun nahin

Nisar Itavi

---

---

afsos kisi se miT na saki insan ke dil ki tishna-labi
shabnam hai ki roya karti hai baadal hain ki barsa karte hain

Nisar Itavi

---

---