قفس بھی ہے یہاں صیاد بھی گلچیں بھی کانٹے بھی
چمن کو ہم سمجھتے ہیں مگر اپنا چمن اب تک

نثار اٹاوی

---

---

نگاہوں سے نا آشنا چند جلوے
پس لالہ و یاسمن اور بھی ہیں

نثار اٹاوی

---

---

ناہید و قمر نے راتوں کے احوال کو روشن کر تو دیا
وہ دیپ کسی سے جل نہ سکے جو دل میں اجالا کرتے ہیں

نثار اٹاوی

---

---

موسم گل ہے بادل چھائے کھنک رہے ہیں پیمانے
کیسی توبہ، توبہ توبہ، توبہ نذر جام کرو

نثار اٹاوی

---

---

آ دوست ساتھ آ در ماضی سے مانگ لائیں
وہ اپنی زندگی کہ جواں بھی حسیں بھی تھی

نثار اٹاوی

---

---

کچھ حسن کے فسانے ترتیب دے رہا ہوں
دفتر الٹ رہا ہوں ہر پھول ہر کلی کا

نثار اٹاوی

---

---

کتنے پر ہول اندھیروں سے گزر کر اے دوست
ہم ترے حسن کی رخشندہ سحر تک پہنچے

نثار اٹاوی

---

---

کلی کی خو ہے بہرحال مسکرانے کی
وگرنہ راس کسے ہے ہوا زمانے کی

نثار اٹاوی

---

---

کل جو ذکر جام و مینا آ گیا
میری توبہ کو پسینا آ گیا

نثار اٹاوی

---

---