itna sach bol ki honTon ka tabassum na bujhe
raushni KHatm na kar aage andhera hoga

Nida Fazli

---

---

is andhere mein to Thokar hi ujala degi
raat jangal mein koi shama jalane se rahi

Nida Fazli

---

---

hosh walon ko KHabar kya be-KHudi kya chiz hai
ishq kije phir samajhiye zindagi kya chiz hai

Nida Fazli

---

---

har jangal ki ek kahani wo hi bhenT wahi qurbani
gungi bahri sari bheDen charwahon ki jagiren hain

Nida Fazli

---

---

har ghaDi KHud se ulajhna hai muqaddar mera
main hi kashti hun mujhi mein hai samundar mera

Nida Fazli

---

---

har ek baat ko chup-chap kyun suna jae
kabhi to hausla kar ke nahin kaha jae

Nida Fazli

---

---

har aadmi mein hote hain das bis aadmi
jis ko bhi dekhna ho kai bar dekhna

Nida Fazli

---

---

hamara 'mir'-ji se muttafiq hona hai na-mumkin
uThana hai jo patthar ishq ka to halka bhaari kya

Nida Fazli

---

---

ab KHushi hai na koi dard rulane wala
hum ne apna liya har rang zamane wala

Nida Fazli

---

---