سانس میں ساجنا ہوا کی طرح
سانس کا سلسلہ ہوا سے ہے

ناصر شہزاد

---

---

پاٹی ہیں ہم نے بپھری چنابیں ترے لئے
ہم لے گئے ہیں تجھ کو سوئمبر سے جیت کے

ناصر شہزاد

---

---

پھر مجھے مل ندی کنارے کہیں
پھر بڑھا مان آ کے راہوں کا

ناصر شہزاد

---

---

پھر یوں ہوا کہ مجھ سے وہ یوں ہی بچھڑ گیا
پھر یوں ہوا کہ زیست کے دن یوں ہی کٹ گئے

ناصر شہزاد

---

---

پستکوں میں پرانوں میں ارضوں میں آسمانوں میں
ایک نام کی بھگتی ایک قول کا کلمہ

ناصر شہزاد

---

---

قائم ہے آبرو تو غنیمت یہی سمجھ
میلے سے ہیں جو کپڑے پھٹا سا جو بوٹ ہے

ناصر شہزاد

---

---

سنگت دلوں کی جیونوں مرنوں کا ارتباط
پھر ڈر پڑا تھا کیا تجھے گرد و نواح کا

ناصر شہزاد

---

---

عمروں کے بجھتے معمورے میں
میں نے ہر لمحہ تجھ کو سوچا

ناصر شہزاد

---

---

تجھے پچھاڑ نہ دیں روشنی میں تیرے رفیق
دیا بجھے نہ بجھے تو بھی پھونک مار تو لے

ناصر شہزاد

---

---