qaem hai aabru to ghanimat yahi samajh
maile se hain jo kapDe phaTa sa jo boot hai

Nasir Shahzad

---

---

pustakon mein paranon mein arzon mein aasmanon mein
ek nam ki bhagTi ek qaul ka kalima

Nasir Shahzad

---

---

phir yun hua ki mujh se wo yunhi bichhaD gaya
phir yun hua ki zist ke din yunhi kaT gae

Nasir Shahzad

---

---

phir mujhe mil nadi kinare kahin
phir baDha man aa ke rahon ka

Nasir Shahzad

---

---

paTi hain hum ne biphri chanaben tere liye
hum le gae hain tujh ko swayamwar se jit ke

Nasir Shahzad

---

---

aKHroT khaen tapen angeThi pe aag aa
raste tamam ganw ke kohre se aT gae

Nasir Shahzad

---

---

nain nachant hain dekh ke tujh ko
dil hai azal se hakka-bakka

Nasir Shahzad

---

---

majma nahin mujalla hai ashaar ki jagah
bhar aur koi swang jo hona hi hoot hai

Nasir Shahzad

---

---

kuchh gurezan bhi rahe hum KHud se
kuchh kahani bhi alamnak hui

Nasir Shahzad

---

---