khile dhan khilkhila kar paDe naddiyon mein nake
ghani KHushbuon se mahke mere des ke ilaqe

Nasir Shahzad

---

---

aKHroT khaen tapen angeThi pe aag aa
raste tamam ganw ke kohre se aT gae

Nasir Shahzad

---

---

ek KHitta-e-KHun mein kahin dariya ke kinare
diwar-e-zamana se gira dhyan phisal ka

Nasir Shahzad

---

---

hijraton mein huzuriyon ke jatan
panw ko duriyon ne ghera hai

Nasir Shahzad

---

---

hum wo log hain jo chahat mein
ji na saken to mar rahte hain

Nasir Shahzad

---

---

ek kaTa ram ne sita ke sath
dusra ban boss mere nam pa

Nasir Shahzad

---

---

dena mera sandesh sakhi phir
pahle chhuna us ke panw

Nasir Shahzad

---

---

dekha qad-e-gunah pe jab is ko multafit
baDh kar had-e-nigah lagi us ko Dhanpne

Nasir Shahzad

---

---

dariya pe Tikri se pare KHanqah thi
tab tere mere pyar ki duniya gawah thi

Nasir Shahzad

---

---