kar-e-zindagani ke shor-o-shar mein muddat se
us ko bhul jaane ka ehtimal rahta hai

Mustafa Shahab

---

---

istiare zamin se jaen
ek ghazal aasman se utre

Mustafa Shahab

---

---

aisa bhi kabhi ho main jise KHwab mein dekhun
jagun to wahi KHwab ki tabir batae

Mustafa Shahab

---

---

hote hote main pahunch jata hun apne aap tak
is se aage aur koi rasta jata nahin

Mustafa Shahab

---

---

haqiqat ko tamashe se juda karne ki KHatir
uTha kar barha parda girana paD gaya hai

Mustafa Shahab

---

---

hum mein aur parindon mein farq sirf itna hai
dast-o-pa mile hum ko baal-o-par parindon ko

Mustafa Shahab

---

---

go tark-e-talluq mein bhi shamil hain kai dukh
be-kaif talluq ke bhi aazar bahut hain

Mustafa Shahab

---

---

dil sambhaale nahin sambhalta hai
jaise uTh kar abhi gaya hai koi

Mustafa Shahab

---

---

dar kunj-e-sada-band ka kholenge kisi roz
hum log jo KHamosh hain bolenge kisi roz

Mustafa Shahab

---

---