dekhna hai tujhe sahra to pareshan kyun hai
kuchh dinon ke liye mujh se meri aankhen le ja

Munawwar Rana

---

---

din bhar ki mashaqqat se badan chur hai lekin
man ne mujhe dekha to thakan bhul gai hai

Munawwar Rana

---

---

ek aansu bhi hukumat ke liye KHatra hai
tum ne dekha nahin aaankhon ka samundar hona

Munawwar Rana

---

---

farishte aa kar un ke jism par KHushbu lagate hain
wo bachche rail ke Dibbon mein jo jhaDu lagate hain

Munawwar Rana

---

---

gar kabhi rona hi paD jae to itna rona
aa ke barsat tere samne tauba kar le

Munawwar Rana

---

---

ghar mein rahte hue ghairon ki tarah hoti hain
laDkiyan dhan ke paudon ki tarah hoti hain

Munawwar Rana

---

---

hans ke milta hai magar kafi thaki lagti hain
us ki aankhen kai sadiyon ki jagi lagti hain

Munawwar Rana

---

---

hum nahin the to kya kami thi yahan
hum na honge to kya kami hogi

Munawwar Rana

---

---

hum sab ki jo dua thi use sun liya gaya
phulon ki tarah aap ko bhi chun liya gaya

Munawwar Rana

---

---