ojh uThana shauq kahan hai majburi ka sauda hai
rahte rahte station par log quli ho jate hain

Munawwar Rana

---

---

aate hain jaise jaise bichhaDne ke din qarib
lagta hai jaise rail se kaTne laga hun main

Munawwar Rana

---

---

dahliz pe rakh di hain kisi shaKHs ne aankhen
raushan kabhi itna to diya ho nahin sakta

Munawwar Rana

---

---

daulat se mohabbat to nahin thi mujhe lekin
bachchon ne khilaunon ki taraf dekh liya hai

Munawwar Rana

---

---

daulat se mohabbat to nahin thi mujhe lekin
bachchon ne khilaunon ki taraf dekh liya tha

Munawwar Rana

---

---

dekhna hai tujhe sahra to pareshan kyun hai
kuchh dinon ke liye mujh se meri aankhen le ja

Munawwar Rana

---

---

din bhar ki mashaqqat se badan chur hai lekin
man ne mujhe dekha to thakan bhul gai hai

Munawwar Rana

---

---

ek aansu bhi hukumat ke liye KHatra hai
tum ne dekha nahin aaankhon ka samundar hona

Munawwar Rana

---

---

farishte aa kar un ke jism par KHushbu lagate hain
wo bachche rail ke Dibbon mein jo jhaDu lagate hain

Munawwar Rana

---

---