hum ko bhi kya kya maze ki dastanen yaad thin
lekin ab tamhid-e-zikr-e-dard-o-matam ho gain

Mirza Hadi Ruswa

---

---

ye faqat aap ki inayat hai
warna main kya meri haqiqat kya

Mirza Hadi Ruswa

---

---

unhin ka nam le le kar koi furqat mein marta hai
kabhi wo bhi to sun lenge jo badnami se Darte hain

Mirza Hadi Ruswa

---

---

Talna tha mere pas se ai kahili tujhe
kam-baKHt tu to aa ke yahin Dher ho gai

Mirza Hadi Ruswa

---

---

marne ke din qarib hain shayad ki ai hayat
tujh se tabiat apni bahut sair ho gai

Mirza Hadi Ruswa

---

---

lab pe kuchh baat aai jati hai
KHamushi muskurai jati hai

Mirza Hadi Ruswa

---

---

kya kahun tujh se mohabbat wo bala hai hamdam
mujh ko ibrat na hui ghair ke mar jaane se

Mirza Hadi Ruswa

---

---

kis qadar mo'taqid-e-husn-e-mukafat hun main
dil mein KHush hota hun jab ranj siwa hota hai

Mirza Hadi Ruswa

---

---

ham-nashin dekhi nahusat dastan-e-hijr ki
sohbaten jamne na pai thin ki barham ho gain

Mirza Hadi Ruswa

---

---