jilao maro durkaro bula lo galiyan de lo
karo jo chaho hum kis baat se ikrah rakhte hain

Mirza Azfari

---

---

ai musawwir shitab ho ki abhi
us ka naqsha dhiyan mein kuchh hai

Mirza Azfari

---

---

hum gunahgaron ke kya KHun ka phika tha rang
mehndi kis waste hathon pe rachai pyare

Mirza Azfari

---

---

hum faramosh ki faramoshi
aur tum yaad umr bhar bhule

Mirza Azfari

---

---

hai jaani tujh mein sab KHubi pa jaan sa
tu ek dam mein bichhaD jata hai mujh se

Mirza Azfari

---

---

dil liya tab-o-tawan le chuka jaan bhi le le
pak kar Dal bakheDa ye sabhi jhanjhaT ka

Mirza Azfari

---

---

dhani juDe pe tere sanwle main marta hun
mar bhi jaun to kafan dekh ke kahi dena

Mirza Azfari

---

---

e-ghami tark-e-alaiq hai sada 'azfariya'
jis ko duniya se ilaqa nahin ghamnak nahin

Mirza Azfari

---

---

ah chuka KHun-e-dil aankh tak aa pahuncha sail
roe ja aur bhi ai dida-e-tar dekhen to

Mirza Azfari

---

---