nahin kuchh abr hi shagird meri ashk-bari ka
sabaq leti hai mujh se barq bhi aabe karari ka

Meer Mohammadi Bedar

---

---

mehrab-e-abru-e-but-e-kafir-ada ko dekh
kaba ka shaiKH bandh ke ehram rah gaya

Meer Mohammadi Bedar

---

---

mashshata dekh shane se tera kaTega hath
TuTa gar ek baal kabhu zulf-e-yar ka

Meer Mohammadi Bedar

---

---

mai-kade mein jo tere husn ka mazkur hua
sang-e-ghairat se mera shisha-e-dil chur hua

Meer Mohammadi Bedar

---

---

kya ho gar koi ghaDi yan bhi karam farmao
aap is rah se aaKHir to guzar karte hain

Meer Mohammadi Bedar

---

---

kiya hangama-e-gul ne mera josh-e-junun taza
udhar aai bahaar idhar gareban ka rafu TuTa

Meer Mohammadi Bedar

---

---

kis tarah haal-e-dil kahun us gul se bagh mein
phirti hai us ke sath to har-dam saba lagi

Meer Mohammadi Bedar

---

---

KHushi hai sab ko roz-e-id ki yan
hue hain mil ke baham aashna KHush

Meer Mohammadi Bedar

---

---

junun ne dast-kari aisi bhi ki
na tha goya gareban pairahan mein

Meer Mohammadi Bedar

---

---