aste shahr ke sab band hue hain tum par
ghar se nikaloge to 'maKHmur' kidhar jaoge
Makhmoor Saeedi
muddaton baad hum kisi se mile
yun laga jaise zindagi se mile
Makhmoor Saeedi
maslahat ke hazar parde hain
mere chehre pe kitne chehre hain
Makhmoor Saeedi
main us ke wade ka ab bhi yaqin karta hun
hazar bar jise aazma liya main ne
To this day her promises I do still believe
who a thousand times has been wont to deceive
Makhmoor Saeedi
ab aa gae ho to Thahro KHaraba-e-dil mein
ye wo jagah hai jahan zindagi sanwarti hai
Makhmoor Saeedi
kuchh kahne tak soch le ai bad-go insan
sunte hain diwaron ke bhi hote hain kan
Makhmoor Saeedi
kitni diwaren uThi hain ek ghar ke darmiyan
ghar kahin gum ho gaya diwar-o-dar ke darmiyan
Makhmoor Saeedi
kaun musafir kar saka manzil ka didar
palak jhapakte kho gae rahon ke aasa
Makhmoor Saeedi
jaanib-e-kucha-o-bazar na dekha jae
ghaur se shahr ka kirdar na dekha jae
Makhmoor Saeedi