sauda-e-zulf-e-yar mein hai talKH zindagi
ye zahr hum ne mol liya sanp pal ke

Lala Madhav Ram Jauhar

---

---

sayyaad o baghban mein bahut hoti hai salah
aisa na ho kahin gul o bulbul mein jang ho

Lala Madhav Ram Jauhar

---

---

shararat dil mein us but ke bhari hai
isi patthar mein hain lakhon sharar band

Lala Madhav Ram Jauhar

---

---

sine se lipTo ya gala kaTo
hum tumhaare hain dil tumhaara hai

Lala Madhav Ram Jauhar

---

---

suKHan-e-saKHt se dil pahle hi tum toD chuke
ab agar baat banao bhi to kya hota hai

Lala Madhav Ram Jauhar

---

---

sunsan kar diya mere pahlu ko le ke dil
zalim ne luT kar meri basti tabah ki

Lala Madhav Ram Jauhar

---

---

sab ke liye jahan mein abr-e-karam hain wo
chaaron taraf baraste hain ek bund idhar nahin

Lala Madhav Ram Jauhar

---

---

su-e-kaba chalun ki jaanib-e-dair
is do-rahe pe dil bhaTakta hai

Lala Madhav Ram Jauhar

---

---

surat to dikhate hain gale se nahin milte
aankhon ki to sun lete hain dil ki nahin sunte

Lala Madhav Ram Jauhar

---

---