us ne phir kar bhi na dekha main use dekha kiya
de diya dil rah chalte ko ye main ne kya kiya

Lala Madhav Ram Jauhar

---

---

un ke aane ki KHabar sun ke to ye haal hua
jab wo aaenge to phir kya meri haalat hogi

Lala Madhav Ram Jauhar

---

---

tu ne aghyar se aaina manga kar dekha
dil mein aata hai ki ab munh na dikhaen tujh ko

Lala Madhav Ram Jauhar

---

---

tum shah-e-husn ho ke na puchho faqir se
aise bhare makan se KHali gada phire

Lala Madhav Ram Jauhar

---

---

shararat dil mein us but ke bhari hai
isi patthar mein hain lakhon sharar band

Lala Madhav Ram Jauhar

---

---

sauda-e-zulf-e-yar mein hai talKH zindagi
ye zahr hum ne mol liya sanp pal ke

Lala Madhav Ram Jauhar

---

---

sayyaad o baghban mein bahut hoti hai salah
aisa na ho kahin gul o bulbul mein jang ho

Lala Madhav Ram Jauhar

---

---

sar phoD ke mar jaenge badnam karenge
jis kaam se Darte ho wahi kaam karenge

Lala Madhav Ram Jauhar

---

---

sine se lipTo ya gala kaTo
hum tumhaare hain dil tumhaara hai

Lala Madhav Ram Jauhar

---

---