duniya ko raundne ka hunar jaanta hun main
lekin ye sochta hun ki duniya ke baad kya

Khursheed Akbar

---

---

ghaib ka aisa parinda hai zamin par insan
aasmanon ko jo shah-par pe uThae hue hai

Khursheed Akbar

---

---

aate aate aaegi duniya-dari
jate jate faqa-masti jaegi

Khursheed Akbar

---

---

hum bhi tere beTe hain zara dekh hamein bhi
ai KHak-e-watan tujh se shikayat nahin karte

Khursheed Akbar

---

---

jazire ug rahe hain paniyon mein
magar puKHta kinara ja raha hai

Khursheed Akbar

---

---

jo din hai KHak-e-bayaban jo raat hai jangal
wo be-panah mere ghar se hai ziyaada kya

Khursheed Akbar

---

---

kashti ki tarah tum mujhe dariya mein utaro
main bich bhanwar mein tumhein patwar banaun

Khursheed Akbar

---

---

KHud se likhne ka iKHtiyar bhi de
warna qismat ki taKHtiyan le ja

Khursheed Akbar

---

---

KHuda ke ghaebane mein kisi din
suno kya shahr sara bolta hai

Khursheed Akbar

---

---