shahr be-ab hua jata hai
apni aankhon mein bacha lun pani

Khursheed Akbar

---

---

samundar aasman is par sitaron ka safina
mera mahtab-e-gham hai be-karani dekhne mein

Khursheed Akbar

---

---

sahl kya bar-e-amanat ka uThana hai falak
main sambhalta hun mere sath sambhalti hai zamin

Khursheed Akbar

---

---

sahil se suna karte hain lahron ki kahani
ye Thahre hue log baghawat nahin karte

Khursheed Akbar

---

---

ota hun to sailab se kaTti hain zaminen
hansta hun to Dah jate hain kohsar meri jaan

Khursheed Akbar

---

---

quran ka mafhum unhen kaun batae
aankhon se jo chehron ki tilawat nahin karte

Khursheed Akbar

---

---

na jaane kya likha tha us ne diwar-e-barahna par
salamat rah na pai ek bhi tahrir pani mein

Khursheed Akbar

---

---

na jaane kitne bhanwar ko rula ke aai hai
ye meri kashti-e-jaan KHud ko par karti hui

Khursheed Akbar

---

---

muTThi se ret panw se kanTa nikal na jae
main dekhta rahun kahin duniya nikal na jae

Khursheed Akbar

---

---