hain dair-o-haram mein to bhare shaiKH-o-barahman
juz KHana-e-dil kijiye phir qasd kidhar ka

Joshish Azimabadi

---

---

hum ko to yaad nahin hum pe jo guzri tujh bin
tere aage kahe jis ko ye kahani aae

Joshish Azimabadi

---

---

hamare sher ko sun kar sukut KHub nahin
bayan kijiye is mein jo kuchh tammul ho

Joshish Azimabadi

---

---

husn aur ishq ka mazkur na howe jab tak
mujh ko bhata nahin sunna kisi afsane ka

Joshish Azimabadi

---

---

insan to hai surat-e-haq kabe mein kya hai
ai shaiKH bhala kyun na karun sajde butan ko

Joshish Azimabadi

---

---

jo aankhon mein phirta hai phire aankhon ke aage
aasan KHuda kar de ye dushwar mohabbat

Joshish Azimabadi

---

---

jo hai kaba wo hi but-KHana hai shaiKH o barhaman
is ki nahaq karte ho takrar donon ek hain

Joshish Azimabadi

---

---