ek khilauna jogi se kho gaya tha bachpan mein
DhunDhta phira us ko wo nagar nagar tanha

Javed Akhtar

---

---

ek mohabbat ki ye taswir hai do rangon mein
shauq sab mera hai aur sari haya us ki hai

Javed Akhtar

---

---

in charaghon mein tel hi kam tha
kyun gila phir hamein hawa se rahe

Javed Akhtar

---

---

is shahr mein jine ke andaz nirale hain
honTon pe latife hain aawaz mein chhaale hain

Javed Akhtar

---

---

jidhar jate hain sab jaana udhar achchha nahin lagta
mujhe pamal raston ka safar achchha nahin lagta

Javed Akhtar

---

---

kabhi hum ko yaqin tha zoam tha duniya hamari jo muKHalif ho to ho jae magar tum mehrban ho
hamein ye baat waise yaad to ab kya hai lekin han ise yaksar bhulane mein abhi kuchh din lagenge

Javed Akhtar

---

---

kabhi jo KHwab tha wo pa liya hai
magar jo kho gai wo chiz kya thi

Javed Akhtar

---

---