tum aa gae ho to ab aaina bhi dekhenge
abhi abhi to nigahon mein raushni hui hai

Irfan Sattar

---

---

teri surat mein tujhe DhunD raha hun main bhi
ghaaliban tu bhi mujhe DhunD raha hai mujh mein

Irfan Sattar

---

---

tere mazi ke sath dafn kahin
mera ek waqia nahin main hun

Irfan Sattar

---

---

tab-e-yak-lahza kahan husn-e-junun-KHez ke pesh
sans lene se tawajjoh mein KHalal paDta hai

Irfan Sattar

---

---

talluqat ke barzaKH mein ain-mumkin hai
zara sa dukh wo mujhe de to main tera ho jaun

Irfan Sattar

---

---

aaz-e-haq fash hua mujh pe bhi hote hote
KHud tak aa hi gaya 'irfan' bhaTakta hua main

Irfan Sattar

---

---

aabaad mujh mein tere siwa aur kaun hai?
tujh se bichhaD raha hun tujhe kho nahin raha

Irfan Sattar

---

---

nahin nahin main bahut KHush raha hun tere baghair
yaqin kar ki ye haalat abhi abhi hui hai

Irfan Sattar

---

---

mujhe dukh hai ki zaKHm o ranj ke is jamghaTe mein
tumhaara aur mera waqia gum ho gaya hai

Irfan Sattar

---

---