اسے بتایا نہیں ہجر میں جو حال ہوا
جو بات سب سے ضروری تھی وہ چھپا گیا ہوں

عرفان ستار

---

---

راز حق فاش ہوا مجھ پہ بھی ہوتے ہوتے
خود تک آ ہی گیا عرفانؔ بھٹکتا ہوا میں

عرفان ستار

---

---

تعلقات کے برزخ میں عین ممکن ہے
ذرا سا دکھ وہ مجھے دے تو میں ترا ہو جاؤں

عرفان ستار

---

---

تاب یک لحظہ کہاں حسن جنوں خیز کے پیش
سانس لینے سے توجہ میں خلل پڑتا ہے

عرفان ستار

---

---

تیرے ماضی کے ساتھ دفن کہیں
میرا اک واقعہ نہیں میں ہوں

عرفان ستار

---

---

تیری صورت میں تجھے ڈھونڈ رہا ہوں میں بھی
غالباً تو بھی مجھے ڈھونڈ رہا ہے مجھ میں

عرفان ستار

---

---

تم آ گئے ہو تو اب آئینہ بھی دیکھیں گے
ابھی ابھی تو نگاہوں میں روشنی ہوئی ہے

عرفان ستار

---

---

تمہیں فرصت ہو دنیا سے تو ہم سے آ کے ملنا
ہمارے پاس فرصت کے سوا کیا رہ گیا ہے

عرفان ستار

---

---

یونہی رکا تھا دم لینے کو، تم نے کیا سمجھا؟
ہار نہیں مانی تھی بس سستانے بیٹھا تھا

عرفان ستار

---

---