use bataya nahin hijr mein jo haal hua
jo baat sab se zaruri thi wo chhupa gaya hun

Irfan Sattar

---

---

aaz-e-haq fash hua mujh pe bhi hote hote
KHud tak aa hi gaya 'irfan' bhaTakta hua main

Irfan Sattar

---

---

talluqat ke barzaKH mein ain-mumkin hai
zara sa dukh wo mujhe de to main tera ho jaun

Irfan Sattar

---

---

tab-e-yak-lahza kahan husn-e-junun-KHez ke pesh
sans lene se tawajjoh mein KHalal paDta hai

Irfan Sattar

---

---

tere mazi ke sath dafn kahin
mera ek waqia nahin main hun

Irfan Sattar

---

---

teri surat mein tujhe DhunD raha hun main bhi
ghaaliban tu bhi mujhe DhunD raha hai mujh mein

Irfan Sattar

---

---

tum aa gae ho to ab aaina bhi dekhenge
abhi abhi to nigahon mein raushni hui hai

Irfan Sattar

---

---

tumhein fursat ho duniya se to hum se aa ke milna
hamare pas fursat ke siwa kya rah gaya hai

Irfan Sattar

---

---

yunhi ruka tha dam lene ko, tum ne kya samjha?
haar nahin mani thi bas sustane baiTha tha

Irfan Sattar

---

---