nam ko bhi na kisi aankh se aansu nikla
shama mahfil mein jalati rahi parwane ko

Ibrahim Ashk

---

---

na dil mein koi gham rahe na meri aankh nam rahe
har ek dard ko miTa sharab la sharab de

Ibrahim Ashk

---

---

as ek bar hi toDa jahan ne ahd-e-wafa
kisi se hum ne phir ahd-e-wafa kiya hi nahin

Ibrahim Ashk

---

---

man ke andar pi base pi ke andar prit
KHud mein itna Dub ja mil jaega mit

Ibrahim Ashk

---

---

koi to hoga jis ko mera intizar hai
kahta hai dil ke shahr-e-tamanna mein le ke chal

Ibrahim Ashk

---

---

koi bharosa nahin abr ke barasne ka
baDhegi pyas ki shiddat na aasman dekho

Ibrahim Ashk

---

---

kis liye katra ke jata hai musafir dam to le
aaj sukha peD hun kal tera saya main hi tha

Ibrahim Ashk

---

---

KHud apne aap se lena tha intiqam mujhe
main apne hath ke patthar se sangsar hua

Ibrahim Ashk

---

---

karen salam use to koi jawab na de
ilahi itna bhi us shaKHs ko hijab na de

Ibrahim Ashk

---

---