jo mere pas tha sab luT le gaya koi
kiwaD band rakhun ab mujhe hai Dar kis ka

Hakeem Manzoor

---

---

mujh mein the jitne aib wo mere qalam ne likh diye
mujh mein tha jitna husn wo mere hunar mein gum hua

Hakeem Manzoor

---

---

na jaane kis liye rota hun hanste hanste main
basa hua hai nigahon mein aaina koi

Hakeem Manzoor

---

---

eza reza raat bhar jo KHauf se hota raha
din ko sanson par abhi tak bojh us patthar ka hai

Hakeem Manzoor

---

---

shahr ke aain mein ye mad bhi likkhi jaegi
zinda rahna hai to qatil ki sifarish chahiye

Hakeem Manzoor

---

---

teri aankhon mein aansu bhi dekhe hain
tere hathon mein dekha hai KHanjar bhi

Hakeem Manzoor

---

---

tujh pe khul jaenge KHud apne bhi asrar kai
tu zara mujh ko bhi rakh apne barabar mein kabhi

Hakeem Manzoor

---

---