shab-e-furqat hai Thaharte nahin shoale dil mein
tara TuTa ki meri aankh se aansu TuTa

Habeeb Musvi

---

---

qadmon pe Dar ke rakh diya sar taki uTh na jaen
naraaz dil-lagi mein jo wo ek zara hue

Habeeb Musvi

---

---

pila saqi mai-e-gul-rang phir kali ghaTa aai
chhupane ko gunah maston ke kabe ki rida aai

Habeeb Musvi

---

---

naseh ye waz-o-pand hai bekar jaega
hum se bhi baada-kash hain kahin parsa hue

Habeeb Musvi

---

---

mohtasib tu ne kiya gar jam-e-sahba pash pash
jubba-o-ammama hum kar denge sara pash pash

Habeeb Musvi

---

---

mai-kade ko ja ke dekh aaun ye hasrat dil mein hai
zahid us miTTi ki ulfat meri aab-o-gil mein hai

Habeeb Musvi

---

---

mai-kada hai shaiKH sahab ye koi masjid nahin
aap shayad aae hain rindon ke bahkae hue

Habeeb Musvi

---

---

likh kar muqattaat mein din un ko arziyan
jo daere the kasa-e-dast-e-gada hue

Habeeb Musvi

---

---

lab-e-jaan-baKHsh tak ja kar rahe mahrum bosa se
hum is pani ke pyase the jo taDpata hai sahil pa

Habeeb Musvi

---

---