gulabon ke nasheman se mere mahbub ke sar tak
safar lamba tha KHushbu ka magar aa hi gai ghar tak

Ghulam Mohammad Qasir

---

---

hum ne tumhaare gham ko haqiqat bana diya
tum ne hamare gham ke fasane banae hain

Ghulam Mohammad Qasir

---

---

hum to wahan pahunch nahin sakte tamam umr
aankhon ne itni dur Thikane banae hain

Ghulam Mohammad Qasir

---

---

aaya hai ek rah-numa ke istiqbaal ko ek bachcha
peT hai KHali aankh mein hasrat hathon mein gul-dasta hai

Ghulam Mohammad Qasir

---

---

har sal bahaar se pahle main pani par phul banata hun
phir chaaron mausam likh jate hain nam tumhaara aankhon mein

Ghulam Mohammad Qasir

---

---

har sal ki aaKHiri shamon mein do chaar waraq uD jate hain
ab aur na bikhre rishton ki bosida kitab to achchha ho

Ghulam Mohammad Qasir

---

---

hazaron is mein rahne ke liye aae
makan main ne tasawwur mein banaya tha

Ghulam Mohammad Qasir

---

---

hijr ke tapte mausam mein bhi dil un se wabasta hai
ab tak yaad ka patta patta Dali se paiwasta hai

Ghulam Mohammad Qasir

---

---

irada tha ji lunga tujh se bichhaD kar
guzarta nahin ek december akele

Ghulam Mohammad Qasir

---

---