ye bhi ek rang hai shayad meri mahrumi ka
koi hans de to mohabbat ka guman hota hai

Ghulam Mohammad Qasir

---

---

zamanon ko uDanen barq ko raftar deta tha
magar mujh se kaha Thahre hue sham-o-sahar le ja

Ghulam Mohammad Qasir

---

---

har bachcha aankhen kholte hi karta hai sawal mohabbat ka
duniya ke kisi goshe se use mil jae jawab to achchha ho

Ghulam Mohammad Qasir

---

---

ab usi aag mein jalte hain jise
apne daman se hawa di hum ne

Ghulam Mohammad Qasir

---

---

arud ke badle hathon mein aa jae kitab to achchha ho
ai kash hamari aankhon ka ikkiswan KHwab to achchha ho

Ghulam Mohammad Qasir

---

---

aghair us ke ab aaram bhi nahin aata
wo shaKHs jis ka mujhe nam bhi nahin aata

Ghulam Mohammad Qasir

---

---

ayaban dur tak main ne sajaya tha
magar wo shahr ke raste se aaya tha

Ghulam Mohammad Qasir

---

---

din andheron ki talab mein guzra
raat ko shama jala di hum ne

Ghulam Mohammad Qasir

---

---

galiyon ki udasi puchhti hai ghar ka sannaTa kahta hai
is shahr ka har rahne wala kyun dusre shahr mein rahta hai

Ghulam Mohammad Qasir

---

---