mere wajud ko parchhaiyon ne toD diya
main ek hisar tha tanhaiyon ne toD diya

Fazil Jamili

---

---

ziyaada der use dekhna bhi hai 'fazil'
aur apne aap ko thoDa sa kam bhi rakhna hai

Fazil Jamili

---

---

zindagi ho to kai kaam nikal aate hain
yaad aaunga kabhi main bhi zarurat mein use

Fazil Jamili

---

---

tum kabhi ek nazar meri taraf bhi dekho
ek tawaqqo hi to hai koi guzarish to nahin

Fazil Jamili

---

---

safed-poshi-e-dil ka bharam bhi rakhna hai
teri KHushi ke liye tera gham bhi rakhna hai

Fazil Jamili

---

---

sab apne apne diyon ke asir pae gae
main chand ban ke kai aanganon mein utra hun

Fazil Jamili

---

---

purane yar bhi aapas mein ab nahin milte
na jaane kaun kahan dil laga ke baiTh gaya

Fazil Jamili

---

---

muddat ke baad aaj main office nahin gaya
KHud apne sath baiTh ke din bhar sharab pi

Fazil Jamili

---

---

misal-e-shama jala hun dhuan sa bikhra hun
main intizar ki har kaifiyat se guzra hun

Fazil Jamili

---

---