tamam lala o gul ke charagh raushan hain
shajar shajar pe shagufon mein jal rahi hai hawa

Bilqis Zafirul Hasan

---

---

KHud pe ye zulm gawara nahin hoga hum se
hum to shoalon se na guzrenge na sita samjhen

Bilqis Zafirul Hasan

---

---

kitne sada hain hum ki baiThe hain
dagh-e-dil aansuon se dhone ko

Bilqis Zafirul Hasan

---

---

meri tarah TuTe aaine mein us ne bhi
TukDe TukDe apne aap ko paya hoga

Bilqis Zafirul Hasan

---

---

nahin hai KHwab diwane ka hasti
ye duniya sirf ek dhoka nahin hai

Bilqis Zafirul Hasan

---

---

uTh kar chale gae to kabhi phir na aaenge
phir lakh tum bulao sadaen diya karo

Bilqis Zafirul Hasan

---

---

zara si der bhi rukta to kuchh pata chalta
wo rang tha ki thi KHushbu sahab sa kya tha

Bilqis Zafirul Hasan

---

---

yun chup raha kare se to ho jae hai junun
zaKHm-e-nihan kured ke kuchh ro liya karo

Bilqis Zafirul Hasan

---

---

KHud apni fikr ugati hai wahm ke kanTe
ulajh ulajh ke mera har sawal Thahra hai

Bilqis Zafirul Hasan

---

---