KHud apni fikr ugati hai wahm ke kanTe
ulajh ulajh ke mera har sawal Thahra hai

Bilqis Zafirul Hasan

---

---

anhoni kuchh zarur hui dil ke sath aaj
nadan tha magar ye diwana kabhi na tha

Bilqis Zafirul Hasan

---

---

jaane kya kuchh hai aaj hone ko
ji mera chahta hai rone ko

Bilqis Zafirul Hasan

---

---

har-dil-aziz wo bhi hai hum bhi hain KHush-mizaj
ab kya bataen kaise hamari nahin bani

Bilqis Zafirul Hasan

---

---

hum to begane se KHud ko bhi mile hain 'bilqis'
kis tawaqqo pe kisi shaKHs ko apna samjhen

Bilqis Zafirul Hasan

---

---

hai yun ki kuchh to baghawat-sirisht hum bhi hain
sitam bhi us ne zarurat se kuchh ziyaada kiya

Bilqis Zafirul Hasan

---

---

dar badar ki KHak thi taqdir mein
hum liye kandhon pe ghar chalte rahe

Bilqis Zafirul Hasan

---

---

dahshat-zada zamin par wahshat bhare makan ye
is shahr-e-be-aman ka aaKHir koi KHuda hai

Bilqis Zafirul Hasan

---

---

as ek jaan bachi thi chhiDak di rahon par
dil-e-gharib ne ek ehtimam sada kiya

Bilqis Zafirul Hasan

---

---