main thoDi der bhi aankhon ko apni band kar lun to
andheron mein mujhe ek raushni mahsus hoti hai

Bharat Bhushan Pant

---

---

tu hamesha mangta rahta hai kyun gham se najat
gham nahin honge to kya teri KHushi baDh jaegi

Bharat Bhushan Pant

---

---

suraj se us ka nam-o-nasab puchhta tha main
utra nahin hai raat ka nashsha abhi talak

Bharat Bhushan Pant

---

---

shayad bata diya tha kisi ne mera pata
milon meri talash mein rasta nikal gaya

Bharat Bhushan Pant

---

---

sabab KHamoshiyon ka main nahin tha
mere ghar mein sabhi kam bolte the

Bharat Bhushan Pant

---

---

main apne lafz yun baaton mein zae kar nahin sakta
mujhe jo kuchh bhi kahna hai use sheron mein kahta hun

Bharat Bhushan Pant

---

---

kitna aasan tha bachpan mein sulana hum ko
nind aa jati thi pariyon ki kahani sun ka

Bharat Bhushan Pant

---

---

main ab jo har kisi se ajnabi sa pesh aata hun
mujhe apne se ye wabastagi majbur karti hai

Bharat Bhushan Pant

---

---

ummidon se parda rakkha KHushiyon se mahrum rahin
KHwab mara to chaalis din tak sog manaya aankhon ne

Bharat Bhushan Pant

---

---