main sare fasle tai kar chuka hun
KHudi jo darmiyan thi darmiyan hai

Bakul Dev

---

---

aaine mein hai phir wahi surat
yun hi hoti hai tarjumani kya

Bakul Dev

---

---

kashish tujh si na thi tere ghamon mein
lab-o-lahja magar han hu-ba-hu tha

Bakul Dev

---

---

hawas shamil hai thoDi si dua mein
abhi is lau mein halka sa dhuan hai

Bakul Dev

---

---

hamein is tarah hi hona tha aabaad
hamare sath virane lage hain

Bakul Dev

---

---

hum jo TuTe hain bata haar bhala kis ki hui
zindagi teri uThai hui saugand the hum

Bakul Dev

---

---

ek nashsha hai KHud-numai bhi
jo ye utre to phir tujhe dekhun

Bakul Dev

---

---

aad muddat ye jila kis ke hunar ne baKHshi
baad muddat mere aaine mein chehre aae

Bakul Dev

---

---

aur kuchh der gham nazar mein rakh
kya KHabar mil hi jae thah kahin

Bakul Dev

---

---