sham utri hai phir ahate mein
jism par raushni ke ghaw liye

Bakul Dev

---

---

mile ab ke to roe TuT kar hum
gunah apni saza ke ru-ba-ru tha

Bakul Dev

---

---

muskurane ka fan to baad ka hai
pahle saat ka intiKHab karo

Bakul Dev

---

---

samt duniya ke hum gae hi nahin
us ilaqe se dushmani si rahi

Bakul Dev

---

---

samundar hai koi aankhon mein shayad
kinaron par chamakte hain guhar se

Bakul Dev

---

---

utar jata to ruswai bahut hoti
ki sar ka bojh bhi dastar jaisa tha

Bakul Dev

---

---

zer-e-lab rakh chhupa ke nam us ka
lafz hote hain kuchh bayan se KHara

Bakul Dev

---

---

wahi aansu wahi mazi ke qisse
jise dekho kaTe ko kaTta hai

Bakul Dev

---

---

main sare fasle tai kar chuka hun
KHudi jo darmiyan thi darmiyan hai

Bakul Dev

---

---