hanwar se ye jo mujhe baadban khinchta hai
zarur koi hawaon ke kan khinchta hai

Azhar Faragh

---

---

dalil us ke dariche ki pesh ki main ne
kisi ko patli gali se nahin nikalne diya

Azhar Faragh

---

---

ek hi waqt mein pyase bhi hain sairab bhi hain
hum jo sahraon ki miTTi ke ghaDe hote hain

Azhar Faragh

---

---

aankh khulte hi jabin chumne aa jate hain
hum agar KHwab mein bhi tum se laDe hote hain

Azhar Faragh

---

---

gile baalon ko sambhaal aur nikal jangal se
is se pahle ki tere panw ye jharna paD jae

Azhar Faragh

---

---

girte peDon ki zad mein hain hum log
kya KHabar rasta khule kab tak

Azhar Faragh

---

---

hae wo bhiga reshmi paikar
tauliya khurdura lage jis ko

Azhar Faragh

---

---

hum apni neki samajhte to hain tujhe lekin
shumar nama-e-amal mein nahin karte

Azhar Faragh

---

---

hamare zahiri ahwal par na ja hum log
qayam apne KHad-o-KHal mein nahin karte

Azhar Faragh

---

---