ek hone ki qasmen khai jaen
aur aaKHir mein kuchh diya liya jae

Azhar Faragh

---

---

aankh khulte hi jabin chumne aa jate hain
hum agar KHwab mein bhi tum se laDe hote hain

Azhar Faragh

---

---

dalil us ke dariche ki pesh ki main ne
kisi ko patli gali se nahin nikalne diya

Azhar Faragh

---

---

hanwar se ye jo mujhe baadban khinchta hai
zarur koi hawaon ke kan khinchta hai

Azhar Faragh

---

---

ata raha hai jhaTakna teri kalai ka
zara bhi ranj nahin hai tujhe judai ka

Azhar Faragh

---

---

ahut se sanp the is ghaar ke dahane par
dil is liye bhi KHazana shumar hone laga

Azhar Faragh

---

---

ahut ghanimat hain hum se milne kabhi kabhi ke ye aane wale
wagarna apna to shahr bhar mein makan tale se jaana jae

Azhar Faragh

---

---

adal ke dekh chuki hai reaya sahib-e-taKHt
jo sar qalam nahin karta zaban khinchta hai

Azhar Faragh

---

---

aisi ghurbat ko KHuda ghaarat kare
phul bhejwane ki gunjaish na ho

Azhar Faragh

---

---