hamare nam ki taKHti bhi un pe lag na saki
lahu mein gundh ke miTTi jo ghar banae gae

Azhar Adeeb

---

---

aaj nikle yaad ki zambil se
mor ke TuTe hue do chaar pa

Azhar Adeeb

---

---

hum ne ghar ki salamti ke liye
KHud ko ghar se nikal rakkha hai

Azhar Adeeb

---

---

ghazal us ke liye kahte hain lekin dar-haqiqat hum
ghane jangal mein kirnon ke liye rasta banate hain

Azhar Adeeb

---

---

ek lamhe ko sahi us ne mujhe dekha to hai
aaj ka mausam guzishta rose se achchha to hai

Azhar Adeeb

---

---

donon hathon se chhupa rakkha hai munh
aaine ke war se Darta hun main

Azhar Adeeb

---

---

der lagti hai bahut lauT ke aate aate
aur wo itne mein hamein bhul chuka hota hai

Azhar Adeeb

---

---

dasht-e-shab mein pata hi nahin chal saka
apni aankhen gain ya sitare gae

Azhar Adeeb

---

---

e-KHwabi kab chhup sakti hai kajal se bhi
jagne wali aankh mein lali rah jati hai

Azhar Adeeb

---

---