ana leta hai mauj-e-KHun-e-dil se ek chaman apna
wo paband-e-qafas jo fitratan aazad hota hai

Asghar Gondvi

---

---

e-mahaba ho agar husn to wo baat kahan
chhup ke jis shan se hota hai numayan koi

Asghar Gondvi

---

---

istar-e-KHak pe baiTha hun na masti hai na hosh
zarre sab sakit-o-samit hain sitare KHamosh

Asghar Gondvi

---

---

chala jata hun hansta khelta mauj-e-hawadis se
agar aasaniyan hon zindagi dushwar ho jae

I go laughing playing with waves of adversity
If life were to be easy, unbearable it would be

Asghar Gondvi

---

---

chhuT jae agar daman-e-kaunain to kya gham
lekin na chhuTe hath se daman-e-mohammad

Asghar Gondvi

---

---

aalam-e-rozgar ko aasan bana diya
jo gham hua use gham-e-jaanan bana diya

Asghar Gondvi

---

---

ek aisi bhi tajalli aaj mai-KHane mein hai
lutf pine mein nahin hai balki kho jaane mein hai

Asghar Gondvi

---

---

hal kar liya majaz haqiqat ke raaz ko
pai hai main ne KHwab ki tabir KHwab mein

Asghar Gondvi

---

---

hum us nigah-e-naz ko samjhe the neshtar
tum ne to muskura ke rag-e-jaan bana diya

Asghar Gondvi

---

---