unhen ye zom ki be-sud hai sada-e-suKHan
hamein ye zid ki isi hao-hu mein phul khile

Arshad Abdul Hamid

---

---

miTTi ko chum lene ki hasrat hi rah gai
TuTa jo shaKH se to hawa le gai mujhe

Arshad Abdul Hamid

---

---

muddaton ghaw kiye jis ke badan par hum ne
waqt aaya to usi KHwab ko talwar kiya

Arshad Abdul Hamid

---

---

sawan aate hi baDhe aawazon ka zor
KHushbu chiKHe Dal par rang machaen sho

Arshad Abdul Hamid

---

---

sar-bulandi meri tanhai tak aa pahunchi hai
main wahan hun ki jahan koi nahin mere siwa

Arshad Abdul Hamid

---

---

suKHan ke chaak mein pinhan tumhaari chahat hai
wagarna kuza-gari ki kise zarurat hai

Arshad Abdul Hamid

---

---

ye intizar nahin shama hai rifaqat ki
is intizar se tanhai KHub-surat hai

Arshad Abdul Hamid

---

---

zamin ke pas kisi dard ka ilaj nahin
zamin hai ki mere ahd ki siyasat hai

Arshad Abdul Hamid

---

---

ye kis ko yaad kiya ruh ki zarurat ne
ye kis ke nam se mere lahu mein phul khile

Arshad Abdul Hamid

---

---