شکوہ کیا زمانے کا تو اس نے یہ کہا
جس حال میں ہو زندہ رہو اور خوش رہو

انور سدید

---

---

کھلی زبان تو ظرف ان کا ہو گیا ظاہر
ہزار بھید چھپا رکھے تھے خموشی میں

انور سدید

---

---

کوئی بھی پیچیدگی حائل نہیں انور سدیدؔ
زندگی ہے سامنے منظر بہ منظر اور میں

انور سدید

---

---

پنکھ ہلا کر شام گئی ہے اس آنگن سے
اب اترے گی رات انوکھی یادوں والی

انور سدید

---

---

سیل زماں میں ڈوب گئے مشہور زمانہ لوگ
وقت کے منصف نے کب رکھا قائم ان کا نام

انور سدید

---

---

اس کے بغیر زندگی کتنی فضول ہے
تصویر اس کی دل سے جدا کر کے دیکھتے

انور سدید

---

---

زمیں کا رزق ہوں لیکن نظر فلک پر ہے
کہو فلک سے مرے راستے سے ہٹ جائے

انور سدید

---

---

یوں تسلی کو تو اک یاد بھی کافی تھی مگر
دل کو تسکین ترے لوٹ کے آنے سے ملی

انور سدید

---

---

خاک ہوں لیکن سراپا نور ہے میرا وجود
اس زمیں پر چاند سورج کا نمائندہ ہوں میں

انور سدید

---

---