kya ajab hai ki ye muTThi mein hamari aa jae
aasman ki taraf ek bar uchhal kar dekhen

Anjum Irfani

---

---

aabaadiyon mein kaise darinde ghus aae hain
maqtal gali gali hai har ek ghar lahu lahu

Anjum Irfani

---

---

is ne dekha hai sar-e-bazm sitamgar ki tarah
phul phenka bhi meri samt to patthar ki tarah

Anjum Irfani

---

---

har chehra har rang mein aane lagta hai
pesh-e-nazar yaadon ke albam hote hain

Anjum Irfani

---

---

hum fana-nasibon ko aur kuchh nahin aata
KHun sharab kar lena jism jam kar lena

Anjum Irfani

---

---

dard-e-dil banTta aaya hai zamane ko jo ab tak 'anjum'
kuchh hua yun ki wahi dard se do-chaar hua chahta hai

Anjum Irfani

---

---

charag chand shafaq sham phul jhil saba
churain sab ne hi kuchh kuchh shabahaten teri

Anjum Irfani

---

---

aat kuchh hogi yaqinan jo ye hote hain nisar
hum bhi ek roz kisi shama pe jal kar dekhen

Anjum Irfani

---

---

ada hua na kabhi mujh se ek sajda-e-shukr
main kis zaban se karunga shikayaten teri

Anjum Irfani

---

---