hum ne pala muddaton pahlu mein hum koi nahin
tum ne dekha ek nazar se dil tumhaara ho gaya

I nurtured it for ages but, it was nought to me
you saw it but a moment and it was your property

Amirullah Tasleem

---

---

zamane se nirala hai urus-e-fikr ka jauban
jawan hoti hai ai 'taslim' jab ye pir hoti hai

Amirullah Tasleem

---

---

taDapti dekhta hun jab koi shai
uTha leta hun apna dil samajh ka

Amirullah Tasleem

---

---

subh hoti hai sham hoti hai
umr yunhi tamam hoti hai

Amirullah Tasleem

---

---

naseh KHata muaf sunen kya bahaar mein
hum iKHtiyar mein hain na dil iKHtiyar mein

Amirullah Tasleem

---

---

kya KHabar mujh ko KHizan kya chiz hai kaisi bahaar
aankhen kholin aa ke main ne KHana-e-sayyaad mein

Amirullah Tasleem

---

---

kijiye aisa jahan paida jahan koi na ho
zarra-o-aKHtar zamin-o-asman koi na ho

Amirullah Tasleem

---

---

KHali sahi bala se tasalli to dil ko ho
rahne do samne mere saghar sharab ka

Amirullah Tasleem

---

---

jaane de sabr o qarar o hosh ko
tu kahan ai be-qarari jaegi

Amirullah Tasleem

---

---