aaine se nazar churaate hain
jab se apna jawab dekha hai
Ameer Qazalbash
aaj ki raat bhi guzri hai meri kal ki tarah
hath aae na sitare tere aanchal ki tarah
Ameer Qazalbash
ab sipar DhunD koi apne liye
tir kam rah gae kamanon mein
Ameer Qazalbash
apne hamrah KHud chala karna
kaun aaega mat ruka karna
Ameer Qazalbash
ek KHabar hai tere liye
dil par patthar bhaari rakh
Ameer Qazalbash
har qadam pe nakaami har qadam pe mahrumi
ghaaliban koi dushman doston mein shamil hai
It was as if amidst my friends there was an enemy
A failure and deprived at every step did I remain
Ameer Qazalbash
hona paDa hai KHugar-e-gham bhi KHushi ki KHair
wo mujh pe mehrban hain magar be-ruKHi ke sath
Ameer Qazalbash
ek parinda abhi uDan mein hai
tir har shaKHs ki kaman mein hai
Ameer Qazalbash
itna bedariyon se kaam na lo
dosto KHwab bhi zaruri hai
Ameer Qazalbash